पंचायत समिती आंबेगाव च्या वतीने ६५ वा प्रजासत्ताक दिन साजरा

26 जानेवारी २०१४ :

पंचायत समिती आंबेगाव च्या वतीने ६५ वा प्रजासत्ताक दिन साजरा करण्यात आला.

 सकाळी ७.३० वाजता सभापती मा.कैलासबुवा काळे यांच्या हस्ते ध्वजारोहण करण्यात आले.या वेळी उपसभापती संजय गवारी, गटविकास अधिकारी विवेक इलमे, पंचायत समिती सदस्य,जि.प.सदस्य,विविध विभागाचे अधिकारी,कर्मचारी,ग्रामस्थ उपस्थित होते.यावेळी जि.प.घोडेगाव च्या विद्यार्थ्यांनी संचलन करून मान्यवरांना मानवंदना दिली.

नालंदा शाळेचे नंदकिशोरा हे गाणे आवर्जून पहा...

शिवगिरी मंगल कार्यालय येथे पार पडलेल्या समूहनृत्य स्पर्धेमधील.. नालंदा इंग्लिश मिडीयम स्कूलचे हे गीत 

मा.शरदचंद्र पवार यांच्या वाढदिवसानिमित्त आयोजित समूहनृत्य स्पर्धा...

मा.श्री. शरदचंद्र पवार साहेबांच्या वाढदिवासानिमित्त विविध ठिकाणी समूहनृत्य स्पर्धा आयोजित केल्या गेल्या.
प्रथम गटपातळीवर आणि मग नंतर तालुका पातळीवर या स्पर्धा आयोजित केल्या गेल्या.
त्यापैकीच काही व्हिडीओ शिक्षणविभागच्या माध्यमातून ऑनलाईन टाकण्यात आले आहेत जेणे करून त्या व्हिडीओ आपणाला पाहण्यास सोयीस्कर होतील.
१) काठी नि घोंगड

२) मन रानात गेलं गं...

३) मारीआम्मा...मारीआम्मा...

४) मै. नाचू सारी सारी रात....

विज्ञान प्रदर्शनामध्ये मोढवे दाम्पत्य प्रथम...

जिल्हा परिषद शाळा :- महाळुंगे पडवळ - अरविंद  मोढवे

जिल्हा परिषद शाळा :- कानसे - सुवर्णा मोढवे 

यांनी तालुकास्तरीय विज्ञान प्रदर्शनात दाखविली चुणूक आणि पटकाविला प्रथम क्रमांक त्यांचे शिक्षण विभाग आंबेगाव च्या वतीने हार्दिक अभिनंदन..!!! 

पुणे जिल्हास्तरीय विज्ञान प्रदर्शनात सौ. सुवर्णा अरविंद मोढवे यांचा द्वितीय क्रमांक

      

दि. ६ जानेवारी ते ८ जानेवारी २०१४ रोजी जिल्हास्तरीय विद्न्न्यान प्रदर्शनाचे आयोजन पी.के. टेक्निकल इन्स्टिट्यूट चाकण येथे करण्यात आले होते. या प्रदर्शनात जिल्हा परिषद प्राथमिक शाळा कानसे येथील उपशिक्षिका सौ. सुवर्णा अरविंद मोढवे यांचा प्राथमिक शिक्षक लोकसंख्या शिक्षण या गटात द्वितीय क्रमांक आला आहे. त्यांनी खेळातून लोकसंख्या शिक्षण हा प्रकल्प सादर केला. त्यांना प्रशस्तीपत्रक व सन्मानपत्र देऊन गौरविण्यात आले. प्रसंगी खेद तालुक्याचे आमदार दिलीप मोहिते पाटील, माध्यमिक शिक्षणाधिकारी मा. दहिफळे, मा.महेश काकडे, उपसचिव महाराष्ट्र राज्य, डॉ. सारंग जोशी खेड तालुक्याचे सभापती, उपसभापती, गटशिक्षणाधिकारी सोनावणे  मॅडम उपस्थित होत्या.

       या बद्दल आंबेगाव तालुक्याचे शिक्षण विभागाचे गटशिक्षणाधिकारी मा.श्री. संजय नाईकडे, विस्तार अधिकारी सौ. मालती आढारी , केंद्रप्रमुख सुभाष करवंदे पुणे जिल्हा प्राथमिक शिक्षक संघाचे अध्यक्ष दत्ता वाळूंज, शिक्षक पतसंस्थेचे संचालक नंदकुमार येवले व मुख्याध्यापक नयना अभंगकर यांनी अभिनंदन केले.