आंबेगाव तालुक्यामध्ये शिष्यवृत्ती परीक्षा संपन्न

महाराष्ट्र राज्य परीक्षा परिषदेमार्फत इयत्ता ४ थी व इयत्ता ७ वी च्या विद्यार्थ्यासाठी शिष्यवृत्ती परीक्षेचे आयोजन केले जाते. त्यानुसार आंबेगाव तालुक्यात ४ थी साठी १९ केंद्रांवर २९९० विद्यार्थी व इयत्ता ७ वी च्या ९ केंद्रावर १८५१ विद्यार्थ्यांनी परीक्षा दिली. असे आंबेगावचे गटशिक्षणाधिकारी संजय नाईकडे  यांनी सांगितले.

       यावर्षी प्रथमच माध्यमिक शाळांचे मुख्याध्यापक यांना केंद्रसंचालक म्हणून नियुक्त केले होते. गटविकास अधिकारी विवेक इलमे व गटशिक्षणाधिकारी संजय नाईकडे यांनी घोडेगाव, अवसरी खुर्द, पारगाव, वळती, पिंपळगाव, मंचर, रांजणी, चांडोली इ. परीक्षा केंद्रांना भेटी दिल्या. तसेच विस्तार अधिकारी सुनील सूर्यवंशी, रामदास पालेकर, के.के.जारकड, कमल जाधव, मालती आढारी व सर्व केंद्रप्रमुख, विषयतज्ञ, विशेष शिक्षक यांनी सर्व केंद्रांना भेटी दिल्या. सर्व केंद्रांवर परीक्षा सुरळीत पार पडली.